عالمی میڈیا کے مطابق بغلان اور تخار کی صوبائی انتظامیہ کی جانب سے اس ضمن میں الگ الگ نوٹس بھی جاری کیے گئے ہیں جن میں خواتین کو ہدایت کی گئی ہے کہ وہ عیدالفطر کے ایام میں گروپوں کی صورت میں باہر نکلنے سے گریز کریں۔

رپورٹس میں بتایا گیا کہ دونوں صوبوں کی انتظامیہ نے خواتین پر یہ پابندی علماء اور مقامی اکابرین کی جانب سے مخلوط اجتماعات کے تدارک کے مطالبے کے بعد نافذ کی ہے۔

واضح رہے کہ خواتین پر بڑھتی ہوئی پابندیوں کی وجہ سے طالبان پر عالمی سطح پر کڑی تنقید کی جارہی ہے۔

خیال رہے کہ گزشتہ دنوں صوبہ ہرات میں خواتین کے ریسٹورنٹس میں جانے پر پابندی عائد کردی گئی تھی جس کے بعد طالبان پر تنقید میں اضافہ ہوگیا تھا۔

اس ضمن میں حکام کا کہنا تھا کہ جنسی ملاپ اور سر پر حجاب نہ پہننا ان پابندیوں کی وجوہات ہیں۔