چیئرمین سینیٹ نے سیاسی مذکرات کے لئے حکومت اور اپوزیشن سے 4،4 نام مانگ لیے۔

خط کے متن میں کہا گیا ہے حکمران اتحاد نے موجودہ سیاسی تناؤ ختم کرنے کے لئے رابطہ کیا، حکمران اتحاد نے سیاسی و معاشی کرائسسز اور عام انتخابات کے لئے مذکرات میں سہولت کے لئے رابطہ کیا، سیاسی مذاکرت کے لئے 10 رکنی کمیٹی تشکیل دی جارہی ہے۔

متن کے مطابق سیاسی ہم آہنگی کے لئے سینیٹ ہی موضوع فورم ہے، سیاسی مذاکراتی کمیٹی کی سربراہی قائد ایوان اور قائد خزب اختلاف مشترکہ کریں گے، سیاسی مذاکرات کے لئے 2 دنوں میں 4،4 اراکین کے نام تجویز کیے جائیں۔

چیئرمین سینیٹ نے بات چیت کیلئے پی ٹی آئی رہنماؤں سے 5 نام مانگ لئے

چیئرمین سینیٹ صادق سنجرانی نے بات چیت کے لئے پاکستان تحریک انصاف کے رہنماؤں سے 5 نام مانگ لئے ہیں۔

ذرائع کے مطابق چیئرمین سینٹ صادق سنجرانی نے پی ٹی آئی کے وائس چیئرمین شاہ محمود قریشی سے فون پر رابطہ کرکے مذاکرات کی حکومتی تجویز سے آگاہ کردیا۔

چیئرمین سینٹ نے تجویز دی ہے کہ دونوں اطراف کے مساوی اراکین پارلیمنٹ ہاؤس کے اندر مذاکرات کریں۔

صادق سنجرانی کا اسد عمر اور ڈاکٹر شہزاد وسیم سے بھی رابطہ ہوا ہے۔

چیئرمین صادق سنجرانی نے بات چیت کے لئے تحریک انصاف کے رہنماؤں سے 5 نام مانگ لئے ہیں۔

چیئرمین سینیٹ نے حکومتی پیغام سے متعلق شاہ محمود قریشی کو بھی آگاہ کیا۔

تحریک انصاف کی جانب سے جلد نام چیئرمین سینیٹ صادق سنجرانی کو دیے جانے کا امکان ہے۔