ترجمان کے مطابق کل شہرکے تمام اضلاع میں احتجاجی کیمپس ہر ضلع سے منسلک 25 ٹاؤنز میں لگائے جائیں گے اور 29 اپریل کو ان احتجاجی کیمپوں پر مظاہرے ہوں گے۔

ترجمان پی ٹی آئی کا کہنا ہے کہ مظاہروں کیلئے ناظم آباد، نارتھ ناظم آباد، گلبرگ، چینیسر، گلشن، لانڈھی، بلدیہ و دیگر علاقے شامل ہیں۔

انہوں نے کہا کہ 30 اپریل کو کراچی کے نجی ہوٹل میں آل اسٹیک ہولڈرز پریس کانفرنس منعقد ہوگی اور یکم مئی کو 2K نارتھ ناظم آباد حیدری کے مقام پر گرینڈ مظاہرہ کیا جائے گا۔

ترجمان نے کہا کہ غلط مردم شماری کیخلاف عوامی رابطے ڈور ٹو ڈور مہم کا عمل جاری ہے جبکہ صدر پی ٹی آئی کراچی کی ہدایت پر شہریوں کو احتجاج میں شرکت دعوت نامے تقسیم کیے جارہے ہیں۔