عید کے موقع پر ٹی وی شو میں شریک ایمان علی کا نام ’ کراچی کے لوگوں’ سے متعلق جملے پر ٹوئٹر ٹاپ ٹرینڈ میں دیکھنے میں آیا۔

ندایاسر کے شومیں شریک ایمان علی نے اداکارہ سونیا حسین سے پوچھے گئے سوال کے جواب کے دوران ایک لقمہ دیا جسے بہت سے صارفین نے تو ’ہلکا‘ لیا تاہم بہت سے ایسے بھی تھے جنہوں نے کراچی کے شہریوں کے لب ولہجے کی ایسی نقالی پر ناراضگی کااظہار کیا۔

سونیا کا کہنا تھا کہعید کے موقع پران کے گھرمیں بریانی ضرور بنتی ہے کیونکہ وہ سب کو بہت پسند ہے، اس پر میزبان نے فوراسے کہا ، ’یہ آگئیں نا کراچی والی۔‘

ایمان نے ساتھ ہی یہی جُملہ مخصوص لب ولہجے میں کسا جس پرندا اور سونیا سمیت شریک مہمان ہمایوں سعید بھی مسکراتے نظرآئے۔

سوشل میڈیا پرکلپ وائرل ہوا تو اکثریت نے اسے زیادہ سنجیدگی سے نہیں لیا تاہم ایسے صارفین کی بھی کمی نہیں جنہیں یہ جملہ دیگرکی طرح ہرگرزبھی ’بے ضرر اور ہلکا پُھلکا ’ نہیں لگا۔

ایمان علی کا یہ بھی کہنا تھا کہ ان کے انٹرویوز کی فضول باتیں تو وائرل ہوجاتی ہیں اوراہم باتیں رہ جاتی ہیں۔