اسٹیٹ لائف انشورنس کمپنی نے صحت کارڈ پینل پر اسپتالوں کو مراسلہ ارسال کردیا، جس میں مطلع کیا گیا ہے کہ 9 مئی سے صحت کارڈ پلس عارضی معطل رہے گا۔

مراسلے میں اسپتالوں کو ہدایت کی گئی ہے کہ 9 مئی سے صحت کارڈ کے تحت کسی مریض کا داخلہ نہ کیا جائے۔ اس سے پہلے کے تمام مریضوں کا علاج صحت کارڈ کے تحت ہی ہوگا۔

ذرائع کا کہنا ہے کہ صحت کارڈ کو جاری رکھنے کے لئے حکومت کو انشورنس کمپنی کو فوری دو ارب روپے جاری کرنے ہوں گے۔

واضح رہے کہ اس سے قبل بھی فنڈز کی عدم ادائیگی پر صحت کارڈ کو معطل کیا گیا تھا۔