غیر ملکی میڈیا کے مطابق واقعہ ٹیکساس کے سرحدی شہر براؤنز ول میں بے گھر تارکین وطن کو مفت رہائش فراہم کرنے کے لیے نجی تنظیم کی جانب سے قائم بشپ اینرک اوزینم سینٹر کے سامنے بس اسٹینڈ پر پیش آیا۔

اوزینم سینٹر کے ڈائریکٹر وکٹر ملڈوناڈو کا کہنا تھا کہ ہلاک اور زخمی تارکین وطن کا تعلق وینزویلا سے تھا اور یہ لوگ چند روز قبل ہی پناہ گاہ پر رہائش کے لیے آئے تھے۔

میڈیا رپورٹ کے مطابق پولیس نے ڈرائیورکو حراست میں لے کر ڈرائیونگ میں لاپرواہی کے الزامات کے تحت تفیتیش شروع کر دی ہے۔

پولیس کی جانب سے گرفتار ملزم کے خون کے نمونے بھی لیے گئے ہیں تاکہ اس کی جانب سے دوران ڈرائیونگ نشہ آور مادوں کے استعمال کا پتہ چلایا جا سکے۔