ایف آئی اے کی جانب سے فرح گوگی کے خلاف انٹرپول کو ریڈ نوٹس جاری کرنے کی درخواست پر فرح گوگی کی لیگل ٹیم نے انٹر پول اور ایف آئی اے کو قانونی نوٹس بھجوایا۔

لیگل ٹیم کے مطابق فرح گوگی کے خلاف کی جانے والی کارروائی سیاسی بنیادوں پر ہے، فرح گوگی کے خلاف درج مقدمہ ایف آئی اے کے دائرہ اختیار سے باہر ہے۔

نوٹس میں کہا گیا ہے کہ ریڈ وارنٹ کے لیے کی جانے والی خط و کتابت آئین کے آرٹیکل تین کی خلاف ورزی ہے۔

لیگل ٹیم کا کہنا ہے کہ ریڈ نوٹس کی درخواست میڈیا پر جاری کرکے ہتک عزت کی گئی، ایسے ریڈ وارنٹ جاری ہونے سے ملک کی بدنامی ہوتی ہے۔

لیگل ٹیم نے انٹرپول سے درخواست کی ہے کہ ریڈ وارنٹ کے لیے دوبارہ خط لکھا جائے تو سخت کارروائی کریں۔