وزیراعظم شہبازشریف ان دنوں برطانیہ میں موجود ہیں، وہ کنگ چارلس سوئم کی رسم تاج پوشی کے لئے برطانیہ آئے تھے، اور انہیں آج وطن واپس آنا تھا، تاہم اب وہ کل (بدھ) وطن واپس آئیں گے۔

اس حوالے سے وفاقی وزیر اطلاعات مریم اورنگزیب نے سماجی رابطے کی ویب سائٹ ٹویٹر پر اپنی ٹویٹ میں تصدیق کرتے ہوئے بتایا کہ وزیراعظم شہباز شریف نے پارٹی قائد نواز شریف کی ہدایت پر لندن میں اپنے قیام میں ایک دن کا اضافہ کردیا ہے۔

مریم اورنگزیب نے بتایا کہ وزیراعظم شہبازشریف لندن میں پارٹی قائد کے ساتھ اہم سیاسی و قومی امور پر مشاورت کریں گے، اور بدھ کو وطن واپس روانہ ہوں گے۔