نیب نے مفت آٹا اسکیم میں مبینہ کرپشن الزامات کی انکوائری کا فیصلہ کرلیا ہے اس مقصد کے لئے چیئرمین نیب نے لاہور ریجن کو معاملے کی شفاف تحقیقات کی ہدایت کردی ہے۔

قومی احتساب بیورو کی جانب سے فیصلہ نگراں وزیراعلیٰ پنجاب محسن نقوی کی درخواست پر کیا گیا۔ نگراں وزیراعلیٰ نے کرپشن کے الزامات کی تحقیقات کی درخواست کی تھی۔

واضح رہے کہ رمضان المبارک کے دوران نگراں حکومت نے وفاق کے تعاون سے مفت آٹا اسکیم شروع کی تھی۔ جس کے تحت لوگوں کو مفت آٹا فراہم کیا گیا۔ تاہم سیاستدانوں سمیت کچھ حلقوں نے مفت آٹے کی تقسیم کے دوران کرپشن الزامات عائد کیے تھے۔