افسوسناک واقعہ مصرکی شرقیہ گورنری کے ایک گاؤں میں پیش آیا۔ دونوں باپ بیٹی کی موت رمیس صان الحجر روڈ پرایک ٹریفک حادثے میں ہوئی۔

المناک واقعے کے صرف 48 گھنٹوں بعد ہی لڑکی کی رخصتی طے تھی اور گھرمیں دھوم دھام سے شادی کی تیاری چل رہیں تھی۔

حادثے میں جاں بحق ہونے والے شخص کی شناخت حمادہ رمضان طہ الدغیدی اور ان کی جواں سال بیٹی شہد کے نام سے ہوئی ہے۔ دونوں کی لاشیں گھر پہنچنے پر کہرام برپا ہوگیا۔

اطلاعات کے مطابق لڑکی نے فرمائش کی تھی کہ وہ شادی کے لیے اپنی پسند کا عروسی لباس خریدنے کے لیے بازارجانا چاہتی ہے، اس لیے وہ اپنے والد کو ساتھ لے گئی۔

باپ نے اپنی بیٹی کی فرمائش کو رد نہیں کیا لیکن انہیں یہ معلوم نہ تھا کہ یہ ان کا آخری سفر ہوگا۔

حادثے کی رپورٹ تیار کرکے تحقیقات کا آغازکردیا گیا ہے۔