خیبرپختون خوا کے خوبصورت ترین مقام بحرین میں واقع بازار میں سوات کا پانی داخل ہوگیا ہے، جس کے بعد بحرین سے لے کر اتروڑ تک لوگ گھروں میں محصور ہوگئے ہیں۔

ذرائع کے مطابق برف پگھلتے ہی دریائے سوات کے بہاؤ میں اضافہ ہوگیا، جس کے باعث پانی سڑکوں اور بازاروں میں داخل ہوگیا۔

ذرائع نے بتایا کہ سیلاب کے بعد حفاظتی اقدامات نہ اٹھانے کی وجہ سے کالام روڈ کو ٹریفک کے لئے بند کردیا گیا ہے، جس کے باعث سیاحوں سمیت سیکڑوں افراد پھنس گئے ہیں، اور مقامی افراد کو بھی آمدوفت میں شدید مشکلات کا سامنا ہے۔