کوٹ لکھپت جیل میں خطرناک قیدی خاتون نے عاصمہ نامی قیدی خاتون کے چہرے پر گرم سالن پھینک دیا۔

کھانے کی تقسیم کے دوران کئے جانے والے اس حملے میں منشیات کیس میں قید عاصمہ کا چہرہ بری طرح جھلس گیا جسے فوری طبی امداد کے بعد مزید علاج کیلئے جناح ہسپتال منتقل کر دیا گیا ہے۔

جیل حکام نے واقعہ کی رپورٹ ایڈیشنل چیف سیکرٹری داخلہ کو بھی بھجوا دی ہے۔

رپورٹ کے مطابق حملہ کرنے والی خاتون قیدی فاطمہ جہانگیر ذہنی مریضہ ہے، اسی وجہ سے اسے اسپیشل سیل میں رکھا گیا ہے، رپورٹ میں واقعے کے دوران ڈیوٹی پر موجود خاتون اسٹاف کو قصور وار قرار نہیں دیا گیا۔