اپنے ایک بیان میں منظور وسان نے کہا کہ عمران خان کے ساتھ اب کوئی بھی نہیں رہے گا، عوامی سطح پر نہ لیڈر شپ سطح پر، عمران خان باہر جانے کی کوشش کریں گے مگر انہیں جانے نہیں دیا جائے گا، ہوسکتا ہے کہ عمران خان کچھ دنوں کے لیے خاموشی اختیار کرلیں۔

انہوں نے مزید کہا کہ پی ٹی آئی میں ٹوٹ پھوٹ اور ملک میں نئی جماعتیں وجود میں آتے دیکھ رہا ہوں، نئی پارٹیوں کی قیادت دوسرے کریں گے۔

منظور وسان کا مزید کہنا تھا کہ تحریک انصاف چھوڑنے والے (ق) لیگ، (ن) لیگ، پیپلز پارٹی اور کچھ نئی جماعتوں میں شامل ہوں گے۔