فیڈرل بی ایریا میں ہلکی بوندا باندی ہوئی، جبکہ گلشن اقبال، ناظم آباد، نارتھ ناظم آباد، نارتھ کراچی، سرجانی، طارق روڈ پر بھی بارش کی بوندیں برسیں تھیں۔

اُدھر دادو شہر اور گردونواح میں موسلادھار بارش اور ژالہ باری ہوئی جس کے بعد نشیبی علاقے زیر آب آگئے۔ محکمہ موسمیات کے مطابق آئندہ دو دن شہر کے قریب گرج و چمک کے بادل بنیں گے۔

بلوچستان کی سمت سے بادل بن کر آئیں گے، شہر کے مضافات میں اس دوران بارش ہوسکتی ہے بارش کراچی میں تیز بارش کا کوئی امکان نہیں ہے۔

محکمہ موسمیات نے تیز ہواؤں اور آندھی کے دوران عوام کو محفوظ مقامات پر رہنے کی ہدایت بھی کی ہے۔

مزید کہا کہ مغربی ہواؤں کا سلسلہ وسطی اور بالائی سندھ میں موجود ہے، جس کے تحت صوبے کے مختلف اضلاع میں آج سے31 مئی تک بارش کا امکان ہے۔