وزیراعظم شہباز شریف نے ٹویٹ میں لکھا پیارے بھائی رجب طیب اردوان کو ایک بار پھر جمہوریہ ترکیہ کے صدر کا تاریخی انتخاب جیتنے پر دل کی گہرائیوں سے مبارکباد پیش کرتا ہوں۔

اردوان مظلوم مسلمانوں کی طاقت اوران کے حقوق کی ایک مضبوط آواز ہیں، انہوں نے کہا کہ ترکیہ اور پاکستان کے باہمی تعلقات مزید آگے بڑھیں گے۔

سعودی فرمانروا شاہ سلمان، امریکی صدر جوبائیڈن، ڈونلڈ ٹرمپ، روسی صدر پیوٹن، یورپی یونین کونسل کے صدر، فرانسیسی صدر، نیٹو سربراہ، یوکرین اور اسرائیل کے صدر سمیت دیگرعالمی رہنماؤں نے بھی رجب طیب اردوان کو دوبارہ صدر منتخب ہونے پر مبارکباد دی ہے۔

امریکی صدر جوبائیڈن نے ٹویٹ میں لکھا کہ صدر رجب طیب اردوان کو دوبارہ منتخب ہونے پر مبارکباد دیتا ہوں اور وہ نیٹو اتحادیوں کے طور پر دو طرفہ مسائل اور مشترکہ عالمی چیلنجز سے نمٹنے کے لیے مل کر کام کرنے کا منتظر ہیں۔