لاہور کوٹ لکھپت جیل میں قید پی ٹی آئی خواتین سے ملاقات کے بعد ایس ایس پی انوسٹی گیشن ڈاکٹر انوش مسعود نے ڈی سی لاہور رافعہ حیدر کے ہمراہ میڈیا سے گفتگو میں خواتین سے بدسلوکی کی خبر من گھڑت قرار دی۔

انھوں نے کہا کہ جیل کے اندر ماہر نفسیات اور اسپیشل گائنا کالوجسٹ بھی موجود ہیں، کسی ایمرجسنی کی صورت میں بہتر علاج فراہم کیا جائے گا۔

ڈپٹی کمشنر لاہور رافعہ حیدر کا کہنا تھا کہ پی ٹی آئی کی تمام دس خواتین سے ملاقات میں کسی نے بدسلو کی اور سہولیات کے فقدان کا شکوہ نہیں کیا۔

یاد رہے کہ چئیرمین پی ٹی آئی نے کوٹ لکھپت میں قیدی خواتین سے بدسلوکی کئے جانے کا بیان دیا تھا جس پر نگراں وزیراعلیٰ پنجاب نے دو رکنی کمیٹی کو خواتین قیدیوں سے ملاقات کی ہدایت کی تھی۔