مدھوبالا کی میڈیکل رپورٹس کے مطابق ہتھنی میں پیراسائٹ انفیکشن کی تشخیص ہوئی ہے، اس کے نمونے انفیکشن کے لیے مثبت پائے گئے ہیں تاہم ان کی تعداد کم ہے۔

رپورٹ کے مطابق مدھو بالا ہتھنی کی ویکسینیشن سے دو ہفتے میں پیرا سائیٹ انفیکشن ختم ہوسکتا ہے۔

حکام نے مدھو بالا ہتھنی کے علاج اور ویکسینیشن کے لیے ہنگامی بنیادوں پر اقدامات کا فیصلہ کرلیا، مدھوبالا کے علاج کے لئے فوری طور پر اقدامات کیئے جا رہے ہیں تاہم ہتھنی کی زندگی خطرے سے باہر ہے۔

خیال رہے کہ گزشتہ ہفتوں چڑیا گھر میں نور جہاں ہتھنی بلڈ پیرا سائیٹ انفیکشن سے انتقال کر گئی تھی جس کے بعد مدھو بالا کے بلڈ ٹیسٹ کیے گئے تھے۔

رپورٹ میں کہا گیا کہ خون کے جراثیم ایک خاص قسم کی مکھی کے کاٹنے کی وجہ سے ہوتے ہیں۔

مدھو بالا ہتھنی کو بلڈ پیرا سائیٹ سے متاثر ہونے پر پندرہ روز کے وقفے سے دو ویکسینیشن کی ڈوزدی گئی تھی۔