آسٹریلوی کرکٹ بورڈ کی جانب سے ٹوئٹر پر ایک ویڈیو جاری کی گئی جس پر کمنٹ کرتے ہوئے اسٹیو اسمتھ نے پاکستانی کرکٹرز کی تعریفیں کیں۔

اسٹیو اسمتھ نے کہا کہ بابر اعظم ایک شاندار کھلاڑی ہے، گزشتہ چند سالوں میں بابر اعظم اپنے کھیل میں بہتری لایا ہے، پاکستان کے خلاف سیریز میں ہمیں اس کو قابو کرنا ہوگا۔

انہوں نے کہا کہ بابر ایک خطرناک کھلاڑی ہے جو بہترین پیس کے ساتھ زیادہ رنز بناتا ہے۔

اس کے علاوہ اسٹیو اسمتھ شاہین آفریدی کے کھیل کے بھی معترف نکلے۔

اسٹیو اسمتھ نے کہا کہ پاکستان کے آسٹریلیا کے دورہ کے بعد شاہین کے کھیل میں بہتری آئی ہے، شاہین کی گیند کو سوئنگ کرنے کی صلاحیت اس کی بڑی خوبی ہے، پاکستان کے خلاف سیریز میں شاہین شاہ آفریدی خطرناک ہوں گے۔