فلم کی کاسٹ میں وہاج علی ، مہوش حیات، حرا، مانی، رمشا خان اور شہریار منور شامل ہیں۔ اس فلم کی خاص بات یہ ہے کہ اس میں تین مختلف کہانیاں دکھائی جائیں گی

حرا مانی اور مانی کی کہانی ہارر تھرلر ہے، جس کے ہدایتکار نبیل قریشی ہیں۔

رمشا خان اور شہریار منور کی کہانی رومانٹک کامیڈی ہے، جس کی ڈائریکشنز مرینہ خان نے دی ہیں۔

وہاج علی اور مہوش حیات کا کردار کلاسیکی محبت کی کہانی پر مبنی ہوگا جس کے ہدایتکار بلاک بسٹر ڈرامہ سیریل ’میرے پاس تم ہو‘ کے ڈائریکٹر ندیم بیگ کریں گے۔

مداحوں نے 3 منٹ 16 سیکنڈ دورانیے کے اس منفرد ٹریلر کو بے حد پسند کرتے ہوئے تبصروں میں کہا ہے کہ پاکستانی فلم انڈسٹری کو اس فلم کی ضرورت ہے۔

مداحوں کا کہنا ہے کہ فلم کے تمام حصے حیرت انگیز لگ رہے ہیں، خصوصاً وہاج علی اور مہوش حیات کے مداحوں نے ان کی دلکش کیمسٹری کو بے حد پسند کیا ہے۔