لاہور پولیس کا کہنا ہے کہ ملزم نذیر احمد اپنی بہو کو پسند کرتا تھا اور اس سے شادی کا خواہاں تھا، ملزم نے اپنے پوتے کو اغواء کرکے اپنے بیٹے کو بلیک میل کیا کہ وہ اپنی بیوی کو طلاق دے۔

پولیس نے مزید بتایا کہ ملزم نے پہلے تو اپنی ضد منوانے کے لئے پوتے غلام مصطفیٰ کے قتل کی دھمکیاں دیں اور جب بات نہ بنی تو ملزم نے اپنے پوتے کو قتل کر کے لاش چائنہ اسکیم گندے نالے کے قریب پھینک دی۔

قتل کی سنگین واردات کے بعد ملزم موقع سے فرار ہو گیا تھا، پولیس نے جدید ٹیکنالوجی کی مدد سے گرفتاری ممکن بنائی۔ ایس پی انویسٹی گیشن سول لائنز کا کہنا ہے کہ پولیس پراسیکیوشن کی مدد سے ملزم کو سخت سزا دلوائی جائے گی۔