پشاور میں پریس کانفرنس کرتے ہوئے آئی جی خیبرپختونخوا نے کہا کہ دہشتگردوں کے خلاف کارروائیاں جاری ہیں، خفیہ اطلاعات پر کئی دہشتگردوں کو گرفتار کیا گیا ہے۔

آئی جی اختر حیات نے کہا کہ پڑوسی ملک سے سرگرمیاں عمل میں آتی ہیں، ہر سال چھٹیوں میں سوات کا امن خراب کرنے کی کوشش کی جاتی ہے، ہر ممکن کوشش ہے کہ اس بار سوات کا امن برقرار رہے۔

دوسری جانب پولیس نے دو اہم دہشت گردوں کو گرفتار کرکے میڈیا کے سامنے پیش کردیا۔

گرفتار دہشت گردوں کا تعلق کالعدم تحریک طالبان پاکستان (ٹی ٹی پی) سے ہے اور ان سے بھاری مقدار میں اسلحہ برآمد ہوا ہے۔

دہشت گردوں نے چند روز قبل منگلور میں پولیس پر فائرنگ کی تھی، مقابلے میں مقامی شخص قتل جبکہ ایک پولیس اہلکار زخمی ہوا تھا۔