صوبے میں 9 مئی جیسے حالات پر قابو پانے کے لئے انسپیکٹر جنرل پولیس (آئی جی) سندھ نے بین الاقوامی طرز کی اینٹی رائٹ فورس بنانے کا فیصلہ کرلیا۔

کراوڈ مینجمنٹ یونٹ 3 ہزار اہلکاروں پر مشتمل ہوگا، جس کے کراچی میں 2 ہزار اور سکھر، حیدرآباد میں 500 اہلکار تعینات ہوں گے۔

اینٹی رائٹ فورس کی کمانڈ گریڈ 19 کے ایس ایس پی کریں گے، اہلکاروں کی تربیت بین الاقوامی تربیت یافتہ ٹرینرز سے کرائی جائے گی جب کہ تین ہزار اہلکاروں کے لیے اینٹی رائٹ کٹس بھی خرید لی گئی ہیں۔