ینگ ڈاکٹرز ایسوسی ایشن پنجاب نے سرکاری اسپتالوں کے آؤٹ ڈور ڈیپارٹمنٹ میں سروس پانچ روز سے معطل کر رکھی ہے۔ چلڈرن اسپتال کے ڈاکٹر پر تشدد کیخلاف لاہور کے اسپتالوں میں او پی ڈیز بند ہیں جس کے باعث دور دراز علاقوں سے آئے غریب مریض رل گئے ہیں۔

او پی ڈیز کی بندش سے مریض بے حد پریشان ہیں جو بار بار اسپتالوں کے چکر لگانے پر مجبور ہیں۔ تالے لگی خالی او پی ڈیز کے دروازوں کے پاس مریض ڈاکٹروں کے منتظر اور بے بسی کی تصویر بنے ہیں۔

اسپتالوں کی انتظامیہ سینئر ڈاکٹرز کی مدد سے بھی او پی ڈی بحال نہیں کراسکی۔ ینگ ڈاکٹرز کے اسپتالوں میں سکیورٹی بل سے متعلق محکمہ صحت سے کیے جانے والے مذاکرات بھی بے نتیجہ ثابت ہوئے ہیں۔