چیف جسٹس پاکستان عمرعطاء بندیال کی زیرصدارت میں ہونے والے جوڈیشل کمیشن کے اجلاس میں کمیشن نے بلوچستان ہائیکورٹ کے 5 ججز کو مستقل کرنے کی سفارش کردی۔

مستقل ہونے والے ججز میں جسٹس اقبال کاسی، جسٹس شوکت رخشانی اور جسٹس گل حسن ترین، جسٹس محمد عامر نواز اور جسٹس سردار احمد حلیمی شامل ہیں۔

جوڈیشل کمیشن نے حتمی منظوری کے لیے معاملہ پارلیمانی کمیٹی برائے ججز تقرری کو بھجوا دیا ہے۔

اجلاس میں پشاور ہائیکورٹ کے 3 ایڈیشنل ججز کی مدت میں 6 ماہ توسیع کرنے کے معاملے کو بھی دیکھا گیا اور تینوں ججز کی کارکردگی کا جائزہ لیا گیا، جس کے بعد تینوں ججز کی مدت میں 6 ماہ توسیع کردی گئی ہے۔

ان 3 ایڈیشنل ججزمیں جسٹس شاہد خان، جسٹس فضل سبحان اور جسٹس خورشید اقبال شامل ہیں۔