ملتان میں تقریب سے خطاب کرتے ہوئے سراج الحق نے کہا کہ جماعت اسلامی پورے ملک سے محبت کرنے والی جماعت ہے، اس پارٹی کے علاوہ سب کا نام توشہ خانہ اور پنڈورہ پاکس میں شامل ہے۔

انہوں نے کہا اس ریاست کے لئے کروڑوں لوگوں نے ہجرت کی، ہم اس پاکستان کو ڈھونڈ رہے ہیں جس کا خواب علامہ اقبال نے دیکھا اور جہاں عدل و انصاف کی بنیاد پر فیصلے ہوں۔

امیر جماعت اسلامی کا کہنا تھا کہ ہمیں اس ریاست کی تلاش ہے جہاں 2 فیصد کا دولت پر قبضہ نہ ہوں اور حکمران اس کے وارث ہو جس کا کوئی وارث نہ ہو۔