سپریم کورٹ میں 2 خالی نشستوں پر نئے ججز کی تقرری کے معاملے پر چیف جسٹس آف پاکستان کی زیر صدارت جوڈیشل کمیشن کا اجلاس 14 جون کو ہوگا۔

اجلاس میں چیف جسٹس پشاور ہائیکورٹ جسٹس مسرت ہلالی کی تعیناتی پرغور ہوگا۔

واضع رہے کہ جسٹس مسرت ہلالی سپریم کورٹ کی دوسری خاتون جج ہوں گی۔

سپریم کورٹ کے سینیئر ترین جج قاضی فائز عیسیٰ نے جسٹس مسرت ہلالی کا نام تجویز کیا تھا۔

جسٹس فائز عیسیٰ نے خط میں چیف جسٹس سندھ ہائیکورٹ کا نام بھی تجویز کیا تھا۔

خیال رہے کہ سپریم کورٹ آف پاکستان میں 15 ججز تعینات ہیں اور دو ججز کی تقرری ہونا باقی ہے۔