تربوز گرمیوں کا پھل ہے اور ملک بھر میں خوب پسند کیا جاتا ہے۔ اپنے ذائقے کے ساتھ تربوز طبی لحاظ سے گردوں اور جگر کی بیماریوں کے لیے بھی مفید ہے۔

میانوالی کا تربوز نہ صرف پنجاب بلکہ خیبرپختونخوا میں بھی بہت پسند کیا جاتا ہے۔ جس کی وجہ اس کا خوش ذائقہ اور میٹھا ہونا ہے۔

شہریوں کا کہنا ہے کہ میانوالی کے تربوز کا کوئی ثانی نہیں، یہاں کا کالا تربوز اور کالا باغ کا تربوز تو اپنے ذائقے اور مٹھاس کے لحاظ سے بہت مشہور ہیں۔

بات کی جائے تربوز کی کاشت کے حوالے سے تو میانوالی میں تربوز کچہ اور تھل کے علاقوں کی میرا زمین میں کاشت کیا جاتا ہے یہاں آپ کو اس کی متعدد اقسام ملیں گی۔

منافع بخش نہ ہونے کی وجہ سے میانوالی میں تربوز کی پیداوار میں سالانہ کافی حد تک کمی دیکھنے کو مل رہی ہے۔ زمینداروں کی اکثریت دیگر منافع بخش فصلوں کی طرف راغب ہورہی ہے۔