نو مئی کو جی ایچ کیو حملے میں ملوث ایک اور شر پسند کی شناخت ہوگئی۔ شرپسند راجہ دانش وحید راولپنڈی کا رہائشی ہے، ملزم دورانِ حملہ لوگوں کو توڑ پھوڑ پر اُکساتا رہا اور خود بھی ڈنڈوں سے جی ایچ کیو کے مونو گرام کو توڑ کر اندر داخل ہوا۔

شرپسند دانش نے قانون نافذ کرنے والے اداروں پر شدید پتھراؤ بھی کیا اور پیٹرول بم پھینکنے میں بھی صفِ اول میں رہا۔ قانون نافذ کرنے والے ادارے راجہ دانش کی گرفتاری کے لیے مُتحرِک ہیں۔

یاد رہے کہ چیئرمین پی ٹی آئی کی گرفتاری کے بعد 9 اور 10 مئی کو ملک بھر میں پُرتشدد احتجاج کیا گیا تھا۔ شرپسندوں نے راولپنڈی میں جی ایچ کیو، لاہور میں کور کمانڈر ہاؤس سمیت فوجی تنصیبات پر حملے کرکے توڑ پھوڑ کے ساتھ جلاؤ گھیراؤ بھی کیا تھا۔