لاہور میں ان دنوں پارہ کچھ زیادہ ہی بلند ہے، شہری سمجھتے ہیں جو حبس اور گرمی پہلے جولائی اور اگست میں ہوتی تھی اب وہ جون میں پڑ رہی ہے۔ گھر سے باہر کام کرنے والے گرمی سے نڈھال ہیں۔

چیف میٹرو لوجسٹ محمد اسلم کہتے ہیں ویسے تو سمندری طوفان کے خطرات سکھر، ٹھٹھہ اور بدین میں نمایاں ہو سکتے ہیں لیکن لاہور میں موجودہ حبس سمندری طوفان کی وجہ سے ہی ہے۔

محکمہ موسمیات کے مطابق سمندری طوفان کے اثرات ملک بھر میں بارشوں، آندھی اور سیلاب کی صورت میں دکھائی دے سکتے ہیں۔ لاہور میں بھی آئندہ چوبیس گھنٹے میں آندھی اور بارش کا امکان ہے۔