قومی اسمبلی اجلاس سے خطاب میں رانا تنویر حسین نے کہا کہ اپوزیشن لیڈر راجہ ریاض نے ایوان میں غلط اعداد و شمار پیش کیے ہیں، جن کی درستی کرتا ہوں۔

رانا تنویر نے کہا کہ اپوزیشن لیڈر راجہ ریاض نے تعلیم کے لیے 70 ارب روپے رکھے جانے کی بات درست نہیں کی، ہم نے 70 ارب نہیں، 65 ارب تعلیم کے لیے بجٹ رکھا ہے، ہم نے جتنا بجٹ تعلیم کے لیے رکھا ہے، اتنا پچھلے 5 سال میں نہیں رکھا گیا۔

وفاقی وزیر تعلیم نے مزید کہا کہ کسی نے اپوزیشن لیڈر کو غلط نوٹس بنا کردے دیے ہوں گے۔