گزشتہ روز کراچی میں درجہ حرارت 40 ڈگری سینٹی گریڈ تک جا پہنچا اور کم سےکم درجہ حرارت 30.5 سینٹی گریڈ ریکارڈ کیا گیا تھا۔

شہر میں آج کی موسمی صورتحال کے حوالے سے محکمہ موسمیات نے ایک بیان میں کہا کہ کراچی کا موسم آج انتہائی گرم رہے گا۔

محکمہ موسمیات کے مطابق زیادہ سے زیادہ درجہ حرارت 38 سے 40 ڈگری تک جانےکا امکان ہے جب کہ گرمی کی شدت 42 سے 46 ڈگری تک محسوس کی جائے گی۔

محکمہ موسمیات کا بتانا ہے کہ شہر میں سمندری ہوائیں منقطع ہیں، ہوا میں نمی کا تناسب 40 فیصد ہے اور جنوب مشرق کی سمت سے ہوا پانچ کلو میٹر فی گھنٹہ کی رفتار سے چل رہی ہے۔