روس سے ایل پی جی کی پہلی کھیپ طورخم سرحد پہنچا دی گئی ہے، 10 ٹینکرز پر مشتمل پہلا قافلہ ترکمانستان سے براستہ افغانستان طورخم سرحد پہنچا۔

ایل پی جی روس سے بذریعہ ٹرین ترکمانستان پہنچائی گئی، 1 لاکھ 10 ہزار ٹن ایل پی جی کی یہ پہلی کھیپ تھی۔ ذرائع کا کہنا ہے کہ ٹینکر کا قافلہ طورخم پر کلیئرنس کے سلسلے میں روکا گیا ہے۔

کسٹم ذرائع کے مطابق روس سے ایل پی جی کے مزید 11 ٹینکرز طورخم کے راستے پاکستان پہنچ گئے ہیں، اور ان کی تعداد 21 ہوگئی ہے، طورخم سرحد کے راستے داخل ہونے والے ایل پی جی ٹینکرز کی کلیرنس کاکام جاری ہے۔

کسٹم ذرائع نے بتایا کہ ایل پی جی کی مزید ٹینکرز کی آمد متوقع ہے، اور ایل پی جی ٹرین کے ذریعے ازبکستان پہنچا دی گئی ہے۔