تمام صنعتوں کے کیپٹو پاور، فرٹیلائزر سیکٹر اور سی این جی اسٹیشنز کو گیس فراہمی تاحکم ثانی بند کردی گئی ہے۔

ایس ایس جی سی کا کہنا ہے کہ گیس کی فراہمی آج صبح سے بند کی گئی ہے، سمندری طوفان کے پیش نظر گیس پاور سیکٹر کو دی جائے گی۔

صنعت کاروں کی جانب سے کراچی کی صنعتوں کو گیس کی بندش پر شدید ردعمل سامنے آیا ہے، تاجر رہنما جاوید بلوانی نے کہا کہ کراچی کی صنعتوں کے لئے غیراعلانیہ گیس بند کرنا بلاجواز ہے۔

جاوید بلوانی نے کہا کہ ہفتے میں 2 دن صنعتوں کے لئے گیس بندرہتی ہے، برآمدات کیسے بڑھیں گی؟ گیس بند ہونے سے ملک کی برآمدات مزید کم ہوں گی۔