غذر گلگت بلتستان کا وہ علاقہ ہے جہاں درجنوں اقسام کے چیری پائے جاتے ہیں اور اس وقت غذر کے کاشتکاروں نے اس پھل کو فروخت کرنا شروع کر دیا ہے۔

ملک کے مختلف شہروں سے کاروباری افراد یہاں کے باغبانوں سے چیری خرید کر لے جاتے ہیں۔ تاجروں کا کہنا ہے کہ غذر کے پھل تو لاجواب ہیں لیکن خستہ حال سڑکوں کی وجہ سے مشکلات کا سامنا رہتا ہے۔ اگر سڑکوں کی حالت بہتر کرلی جائے تو مقامی کاشتکاروں کو مزید فائدہ پہنچ سکتا ہے۔

تاجر کہتے ہیں گلگت بلتستان کی حکومت غذر کے باغبان حضرات کو علاقے میں موجود پھلوں کو مارکیٹ پہنچانے کےلئے سہولتیں فراہم کریں تو یہاں کے لوگ پھل فروٹ فروخت کرکے ہی کروڑوں روپے کما سکتے ہیں۔