حافظ نعیم نے کہا کہ ہم دشمنیاں نہیں پالے گئیں، نفرتیں نہیں پھیلائیں گے، تم کیا کراچی کا چارٹر پیش کروگے، 15 سال صوبے میں حکومت کر کے تم نے عوام کو کیا دیا؟ مردم شماری میں کروڑوں کی آبادی تم نےغائب کردی ہے۔

انہوں نے کہا کہ تم ڈرتے ہو کہ اگر کراچی کی پوری آبادی سامنے آگئی، تو اگلا سی ایم بھی کراچی سے بنے گا، عوام کے مینڈیٹ سے چوری کے مینڈیٹ سے نہیں، تم کیا کراچی کے چارٹر کی بات کرتے ہو، پانی تم نے نہیں دیا ٹرانسپورٹ تم نے نہیں دی، نالے تم نے صاف نہیں کیے۔

حافظ نعیم نے کہا کہ یہ لوگوں کو بے وقوف بناتے ہیں، تم چوری چھوڑو، ڈاکہ، چھوڑو ہم تم سے بات کریں گے تم جماعت اسلامی کی تحریک کو روک نہیں سکو گے۔