اسلام آباد میں مسلم لیگ ن کا جنرل کونسل اجلاس ہوا، جس میں ن لیگ کی نومنتخب سیکرٹری اطلاعات مریم اورنگزیب نے 9 مئی کے ملزمان کے خلاف قرارداد پیش کی، جسے متقفہ طور پر منظور کرلیا گیا۔

قرارداد کے متن میں ہے کہ اجلاس اپنی جانیں قربان کرنے والے شہداء کو سلام پیش کرتا ہے، سانحہ 9 مئی کے حوالے سے پروپیگنڈے کو ہر فورم پر مسترد کیا جائے، کیا یہ اجلاس اس قرارداد کو منظور کرتا ہے۔

واضح رہے کہ اجلاس میں مسلم لیگ ن کے سابق سینئر نائب صدر شاہد خاقان عباسی موجود نہیں تھے۔ انہیں ن لیگ کے انٹرا پارٹی الیکشن میں مرکزی قیادت سے باہر کردیا گیا ہے۔