غذر کے ہیڈ کوارٹر گاہکوچ سے دس کلومیٹر کے فاصلے پر واقع مشہور ہوپر گارڈن ہے۔ یہ بہت خوبصورت علاقہ ہے جہاں دور دراز سے لوگ سیرو تفریح کے لئے آتے ہیں۔ تفریح گاہ میں درختوں پر انسانوں کے رہنے کے لیے گھونسلے بنائے گئے ہیں۔ جو سیاحوں کی توجہ کا مرکز بن گئے ہیں۔

گلگت بلتستان کی حسین وادیوں کا نظارہ کرنے کے لئے مختلف شہروں سے آنے والے سیاح ان گھونسلوں میں رہائش پذیر ہوتے ہیں۔ بڑے تو بڑے بچے بھی ان گھونسلوں میں بیٹھنا پسند کرتے ہیں۔

ہوپر گارڈن ایک خوبصورت علاقہ ہے جہاں سیاح آکر بہت خوش ہوتے ہیں۔ سیاحوں کا کہنا ہے وہ ہوپر گارڈن میں آکر خوب انجوائے کرتے ہیں مقامی لوگ بھی خاصے مہمان نواز ہیں۔