یہ اعلامیہ کابینہ ڈویژن کی جانب سے اپریل میں جاری کیے گئے ریلیز میں جعلسازی سے ترمیم کرکے بنایا گیا تھا۔ اصل کابینہ ڈویژن کی ویب سائیٹ پر یہاں موجود ہے۔

جعلی نوٹی فیکیشن میں کہا گیا کہ عیدالاضحی کی چھٹیاں 27 جون تا یکم جولائی 2023 (منگل سے ہفتہ) تک ہوں گی۔ منگل سے ہفتے تک سندھ سمیت ملک کے تمام سرکاری و نیم سرکاری دفاتر بند رہیں گے۔

مزید پڑھیں: آج ذی الحج کا چاند دکھنے کا کتنا امکان ہے؟

تاہم سرکاری ذرائع نے آج نیوز کو بتایا کہ ایسا کوئی نوٹی فکیشن تاحال جاری نہیں کیا گیا۔

اس سے قبل جعلی نوٹی فکیشن کی بنا پر آج نیوز کی ویب سائیٹ سمیت کئی جگہ تعطیلات کی خبر شائع ہوئی جو بعد ازاں درست کی گئی۔ ادارہ اس غلطی پر معذرت خواہ ہے۔

واضح رہے کہ سعودی عرب میں ذوالحج کا چاند نظرآگیا ہے مناسک حج کا رکن اعظم 9 ذوالحج یعنی 27 جون کو ہوگا۔ عیدالاضحی 28 جون بروز بدھ کو ہوگی۔

پاکستان میں بھی پیر کو عید کا چاند نظر آگیا، رویت ہلال کمیٹی کے مطابق عید 29 جون کو ہوگی۔