وزیرِ اعظم شہباز شریف کی جانب سے پی سی بی بورڈ آف گورنرز کے لیے ذکاء اشرف اور مصطفیٰ رمدے کے نام بھجوائے گئے ہیں۔ ذکاء اشرف کا نام وفاقی وزیراحسان مزاری کی جانب سے تجویز کیا گیا تھا۔

وزیراعظم نے سمری منظوری کے بعد وزارت بین الصوباٸی رابطہ کو بھجوا دی ہے۔

ان دو ناموں کی شمولیت سے بورڈ آف گورنرز کی تعداد 10 ہو جائے گی، ذرائع کے مطابق 4 ڈپارٹمنٹ اور 4 ایسوسی ایشن کے ممبران بورڈ آف گورنرزمیں شامل ہوں گے جبکہ وزیرِ اعظم کی طرف سے 2 نامزدگیوں کے بعد امکان ہے کہ چیئرمین پی سی بی کا الیکشن رواں ہفتے ہوگا۔

واضح رہے کہ پی سی بی مینجمنٹ کمیٹی کے سربراہ نجم سیٹھی چیئرمین کرکٹ بورڈ کی دوڑ سے باہرہوگئے ہیں۔ اس حوالے سے سوشل میڈیا پر جاری بیان میں اُن کا کہنا تھا کہ جم میں وزیراعظم اور شریک چیئرمین پیپلز پارٹی آصف زرداری کے درمیان تنازع کا سبب نہیں بنناچاہتا۔