میدان لوئر دیر میں استقبالیہ تقریب سے خطاب کرتے ہوئے امیر جماعت اسلامی سراج الحق کا کہنا تھا کہ دھونس اور دھاندلی سے قوم کا اعتماد موجود ہ نظام سے اُ ٹھا گیا ہے، کراچی میئر کے انتخاب بدترین د ھاندلی کی واضح مثال ہے۔

سراج الحق کا کہنا تھا کہ ملک میں بد امنی ہے، بے روزگاری، کرپشن کا دور دورہ ہے، بھیک اور سود پر لیا جانے والا قرض اشرا فیہ کے فضول خرچیوں کی نذر ہو رہا ہے، حکمران ملک اور قوم پر بوجھ ہیں۔

امیر جماعت اسلامی نے کہا کہ حکمرانوں کے پاس معیشت کا علاج نہیں ہے، ڈگری ہولڈرز ملک سے بھاگ رہے ہیں، یونان میں کشتی میں شہید 298 پاکستانیوں کی ذمہ دار اشرا فیہ ہے، شہید پاکستانیوں کا خون حکمرانوں کے ہاتھوں پر ہے۔

سراج الحق کا کہنا تھا کہ آئی ایم ایف کے قرضوں سے ملک ترقی نہیں کر سکتا، قوم ظلم کے خلاف ووٹ کی طاقت سے جہاد کریں، علما اسلامی نظام کے نفاذ کے لیے جماعت اسلامی کا ساتھ دیں۔