گلگت بلتستان اور چترال کی حسین وادیاں دیکھنے نہ صرف پاکستان بلکہ بیرون ملک سے بھی سیاح آتے ہیں لیکن گلگت چترال روڈ کی خستہ حالی کی وجہ سے گاڑیوں کو گزرنے میں مشکلات درپیش آتی ہیں۔

شندور میں دنیا کے بلند ترین پولو گراؤنڈ میں سالانہ میلہ بھی 7 جولائی سے شروع ہورہا ہے لیکن این ایچ اے کی جانب سے تاحال سڑک کی مرمت نہیں کی گئی۔

سیاحوں اور مقامی افراد کا کہنا ہے این ایچ اے کی جانب سے روڈ کی مناسبت دیکھ بھال نہ کرنے سے اہم شاہراہِ آثار قدیمہ کا منظر پیش کر رہی ہے۔ مرمت نہ ہونے سے سڑک مزید تباہ ہورہی ہے اسے جلد سے جلد ٹھیک کیا جائے۔

شہریوں کا مطالبہ ہے کہ گلگت چترال روڈ کی مرمت کے ساتھ گلگت چترال ایکسپریس وے کی تعمیر کے کام میں بھی تیزی لائی جائے۔