پشاور بار ایسوسی ایشن کی جانب سے مویشیوں کی غیرقانونی افغانستان منتقلی کیخلاف کیس کی سماعت جسٹس شکیل احمد اور جسٹس وقار نے کی۔ پشاور بار ایسوسی ایشن نے عدالت کو مویشیوں کے افغانستان لے جانے کے بارے میں تحفظات سے آگاہ کیا۔

پشاور بار نے عدالت کو بتایا کہ جانوروں کو غیرقانونی طور پر افغانستان لے جایا جارہا ہے جسکی وجہ سے عوام پر بوجھ بڑھ رہا ہے کیونکہ مویشی افغانستان جانے سے نہ صرف جانوروں کی کمی کا سامنا کرنا پڑتا ہے بلکہ قیمتیں بھی بڑھ گئی ہیں۔ اس لئے جانوروں کی بیرون ملک منتقلی کو روکا جائے۔

عدالت نے استدعا منظور کرکے صوبائی حکومت، آئی جی پولیس اور محکمہ لائیو اسٹاک کو مویشیوں کی غیرقانونی منتقلی روکنے کے احکامات جاری کرکے سماعت 27 جون تک ملتوی کردی۔