ایمرجنگ ایشیا کپ ٹورنامنٹ 14 سے 23 جولائی تک سری لنکا میں کھیلا جائے گا، جس کے لئے 15 رکنی پاکستان شاہینز ٹیم کا اعلان کردیا گیا ہے۔

پاکستانی شاہینز کی قیادت وکٹ کیپر بیٹسمین محمد حارث کریں گے، جب کہ اعلان شدہ دیگر کھلاڑیوں میں عمیر بن یوسف نائب کپتان، عماد بٹ، ارشد اقبال، حسیب اللہ،کامران غلام، مہران ممتاز، مبصر خان، وسیم جونیئر، قاسم اکرم، صاحبزادہ فرحان، صائم ایوب، شاہنواز دھانی، سفیان مقیم اور طیب طاہر شامل ہیں۔

ریزرو کھلاڑیوں میں عبدالواحد بنگلزئی، عباس آفریدی، محمد جنید اور روحیل نذیر کو رکھا گیا ہے۔

پاکستان شاہینز کے کھلاڑی 3 جولائی کو لاہور میں اکٹھے ہوں گے۔ چار جولائی سے نیشنل کرکٹ اکیڈمی لاہور میں کیمپ شروع ہوگا، اور پاکستان شاہینز 12 جولائی کو سری لنکا روانہ ہوں گے۔