سنت ابراہمی کی ادائیگی کیلیے مویشی منڈیوں میں گہما گہمی بڑھ گئی، کراچی کی عارضی مویشی منڈی میں اونٹ کی منڈی بھی سجی ہوئی ہے۔ جس میں اونٹ کی قیمت چار لاکھ سے چودہ لاکھ روپے تک ہے۔

اونٹ کے بیوپاری کا کہنا ہے منڈی میں روجانی، لاری ، سقرا، ڈاٹی اور دیگر نسلوں کے اونٹ لائے گئے ہیں، سب سے وزنی اور اونچا اونٹ لاری نسل کا ہوتا ہے

اونٹوں کی منڈی میں سب سے اونچا اور وزنی اونٹ لاری نسل کا ہے جو لوگوں کی توجہ کا مرکز بنا ہوا ہے، نو فٹ سے زائد اونچے اونٹ کی بیوپاری نے چودہ لاکھ قیمت لگا دی ہے۔

منڈی میں آنے والے شہری کہتے ہیں مہنگے جانوروں کی وجہ سے اس سال سنت ابراہمی کی پیروی تھوڑی مشکل ہوگئی ہے، قیمتوں میں اضافے کے باعث اکثر لوگ جانوروں کو دیکھ کر ہی گزارا کررہے ہیں۔

یاد رہے کہ کراچی کی مویشی منڈی میں قربانی کیلیے ہزاروں جانورپہنچ چکے ہیں ۔ منڈی میں خریدار اور بیوپاری دونوں مہنگائی سے نالاں نظر آتے ہیں۔