پولیس کا کہنا ہے کہ پشاور میں متنی ادیزائی کے علاقے سے بم برآمد ہوا جسے بم ڈسپوزل اسکواڈ نے ناکارہ بنادیا۔ بم کی اطلاع پھیلنے پر علاقے میں خوف و ہراس پھیل گیا تھا۔

پولیس کا کہنا ہے کہ دیسی ساختہ بم میں 10 سے 11 کلو بارودی مواد موجود تھا، بم برآمد ہونے کے بعد بم ڈسپوزل یونٹ نے جیمرز آن کر کے علاقے کی سرچنگ مکمل کی۔

پولیس حکام کے مطابق دیسی ساختہ بم پریشر کوکر میں تیار کیا گیا تھا اگر بم پھٹ جاتا تو بڑی تباہی ہوسکتی تھی۔