بھارتی ریاست کرناٹکا کے ہاویری ضلع میں ایک کسان نے دلہن کی تلاش میں ناکامی کے بعد زہر کھا کر خودکشی کرلی۔

پولیس کے مطابق اس شخص کی شناخت 36 سالہ منجوناتھ ناگنور کے طور پر کی گئی ہے۔

پولیس کا کہنا ہے کہ منجوناتھ تقریباً آٹھ سال سے دلہن کی تلاش میں تھا۔ لیکن اس کی کوششیں بے سود رہیں، جس سے وہ گہری مایوسی کی حالت میں چلا گیا۔

پولیس نے مزید کہا کہ منجوناتھ نے خودکشی سے قبل مبینہ طور پر ایک نوٹ چھوڑا، جس میں اپنی پریشانی کا اظہار کیا۔

نوٹ میں منجوناتھ نے کہا کہ دلہن نہ ملنے سے اس کے والدین پریشان ہیں۔

نوٹ میں کہا گیا کہ ناامیدی اور مایوسی سے مغلوب ہو کر اس نے اپنی زندگی ختم کرنے کا فیصلہ کیا۔

پولیس نے بتایا کہ بیادگی پولیس اسٹیشن میں واقعے کا مقدمہ درج کیا گیا ہے اور تحقیقات جاری ہیں۔