اسٹیٹ بینک آف پاکستان کا کہنا ہے کہ منسوخ شدہ بانڈز 30 جون تک نقد کرائے جاسکتے ہیں۔

منسوخ شدہ بانڈز میں 7 ہزار 500، 15 ہزار، 25 ہزار اور 40 ہزار روپے کے پرائز بانڈز شامل ہیں۔

اسٹیٹ بینک کے مطابق ان بانڈز کے بدلے نقد رقم لی جاسکتی ہے یا دوسری بانڈز سے تبدیل کروایا جاسکتا ہے۔

حکومت کی جانب سے 40000، 25000، 15000 اور 7500 روپے مالیت کے پرائز بانڈز پر پابندی کے بعد اب مارکیٹ میں سب سے بڑا پرائز بانڈ 1500 روپے مالیت کا ہے۔ اس کے علاوہ 750، 200 اور 100 روپے مالیت کے پرائز بانڈز مارکیٹ میں موجود ہیں۔