عید الاضحیٰ پر ملک بھر میں سنت ابراہیم کی پیروی میں جانوروں کی قربانی کا سلسلہ جاری ہے۔ ایسے میں رائے ونڈ میں تین سو بکروں کی اجتماعی قربانی بھی کی گئی۔

اجتماعی قربانی کے سرپرست کا کہنا تھا کہ سنت ابراہیمی کی ادائیگی میں تقریباً 300 بکرے قربان کررہے ہیں اور ہماری کوشش ہے کہ ایسے غریب اور مستحق افراد جو قربانی نہیں کرسکتے ان تک گوشت پہنچایا جاسکے۔

انھوں نے مزید کہا کہ ہر صاحب حیثیت مسلمان کو چاہیے کہ وہ غریبوں کو اپنی خوشیوں میں یاد رکھیں اور انھیں محرومی کا احسان نہ ہونے دیں، لوگوں کی مدد کے لئے اگر اجتماعی قربانی کا رجحان بڑھ رہا ہے تو یہ خوش آئند بات ہے۔