پنجاب کے نگراں وزیر اعلیٰ نے ہدایات جاری کرتے ہوئے کہا ہے کہ آلائشوں کو مناسب طریقے سے ٹھکانے لگایا جائے، سڑکوں یا گلی محلوں میں آلائشیں نظر نہیں آنی چاہئیں، فسران صفائی کے انتظامات کی خود مانیٹرنگ کریں۔

محسن نقوی نے مزید کہا کہ صوبے کے تمام شہر صاف ستھرے ہونے چاہئیں، انتظامیہ صفائی انتظامات کو ہر قیمت پر یقینی بنائے، صفائی کے انتظامات گزشتہ سال سے بہتر ہونے چاہئیں۔

انھوں نے کہا کہ صفائی کے انتظامات کو خوب سے خوب تر بنانے کیلئے تمام وسائل بروئے کار لائے جائیں، بارشوں کے پیش نظر متعلقہ ادارے اپنی تیاریاں مکمل رکھیں۔