جہلم کی تحصیل سوہاوہ میں واقع ایک نجی ڈیم میں 4 افراد نہاتے ہوئے ڈوب گئے، ڈوبنے والوں میں ایڈیشنل سیشن جج مبین کیانی، ان کے دو بیٹے اور بھانجا شامل ہیں۔

پولیس حکام کا کہنا ہے کہ واقعے کی اطلاع ملتے ہی پولیس ریسکیو کی امدادی ٹیمیں بھی موقع پر پہنچ گئی ہیں اور ریسکیو آپریشن شروع کردیا گیا، ڈیم سے چاروں افراد کی لاشیں نکال کر اسپتال پہنچا دی گئیں۔

ریسکیو حکام کے مطابق مرنے والوں میں سیشن جج راجہ مبین کیانی، ان کے دو بیٹے 36 سالہ عبداللہ، اور 12 سالہ سعد اور بھانجا 12 سالہ عامر شامل ہیں۔

ایڈیشنل سیشن جج مبین کیانی مظفر گڑھ میں تعینات ہیں، اور عید کی چھٹیوں پر اپنے آبائی علاقے میں آئے ہوئے تھے۔